Како дел од планираните активности на Управата за извршување на санкциите и ИПА проектот „Поддршка на ЕУ за владеење на правото“, од 24-28.11.2025 година се одржа еднонеделна регионална мисија со експерти од Хрватска во Битола, Прилеп и Охрид.
За време на мисијата, хрватските експерти-началникот на Секторот за пробација Горан Бркиќ и раководителката на пробациската канцеларија Загреб 1 Матеа Сршен заедно со пробациските службеници во локалните пробациски канцеларии од овој регион работеа на ревидирање на Инструментот за проценка за потребите од социјална реинтрегација на сторители, како и примена на техники на интервјуа со осудени и обвинети лица. Воедно, истите заедно со претседателката на судот во Госпиќ Дубравка Рукавина и раководителката на Одделението за надзор над извршување на пробациски работи м-р Дијана Ѓероска присуствуваа на три состаноци во Основните судови во Битола, Прилеп и Охрид.
Првиот состанок се одржа во Основниот суд во Битола со претседателката на судот м-р Татјана Петровска и судии кои работат на кривична материја.
Вториот состанок се одржа во Основниот суд во Прилеп со претседателката на судот Јасмина Шишковска Стојковиќ и судии кои работат на кривична материја во судот.
Третиот состанок се одржа со претседателот на Основниот суд во Охрид Бојан Мартиноски и судија која работи на кривична материја. На состаноците експертите и судиите имаа можност да ги разменат своите позитивни искуства од практичната примена на пробацијата, притоа истакнувајќи ги бројните придобивки од поголема примена на истата.