Министерството за правда, Управа за извршување на санкциите објави групна јавна набавка за обезбедување храна за потребите на казнено-поправните и воспитно-поправните установи, наменета за притворените и осудените лица, децата сместени во установите, како и за припадниците на затворската полиција кои работат во ноќна смена.

Постапката е објавена преку Електронскиот систем за јавни набавки (ЕСЈН), при што сите заинтересирани економски оператори имаат можност да поднесат понуди согласно условите и критериумите утврдени во тендерската документација.

Подетални информации за предметната јавна набавка, како и целокупната тендерска документација, се достапни на ЕСЈН.